Бу көннәрдә Татарстанда балаларны беренче сыйныфка кабул итүнең икенче дулкыны башланды. Бу этап баласын теркәлү урыны буенча түгел, ә башка мәктәпкә бирергә теләүчеләр өчен оештырыла. Ул 5 сентябрьгә кадәр дәвам итә.
Гаризаны Дәүләт хезмәтләре порталы аша бирергә мөмкин. Документларның төп нөсхәләрен мәктәпкә китерергә кирәкми, аларны читтән торып тикшерәләр.
Исегезгә төшерәбез, республикада беренче дулкын 30 июньдә тәмамланды. Быел мәктәпкә беренче тапкыр 50 меңнән артык балалар барыр дип көтелә.
