Бу көннәрдә Татарстанның күренекле шәхеслэре Буа районында иҗади сәфәр белән булдылар.
Татарстанның халык шагыйрләре Ренат Харис, Равил Фәйзуллин һәм Казан федераль университеты профессоры, академик берничә китап авторы Җәүдәт Сөләйманов үз туган якларында якташлары белән очрашулар уздыралар.
Буада кунаклар беренче эш итеп шәһәрнең Роальд Сәгъдиев исемендәге мәктәбенә килделәр. Биредә Ренат Харисның шәхси музее оештырылган. Анда һәр экспонат әдипнең тормышы турында сөйли.
Соңрак төркем Буаның туган якны өйрәнү музеена килде. Биредә, шулай ук, Ренат Харисның шәхси әйберләре, кулъязмалары.
Автор биредә еш булып, киләсе проектларын тормышка ашырырлык энергия ала.
Аннан иҗади дуслар төркеме Чувашстанның батыр районының Кызыл Чишмә авылына юл тотачак. Бу – Җәүдәт Сөләймановның туган җире. Профессорның бабасы Буа мәдрәсәсен тәмамлаган булган, әнисе Мулланур Вахитов исемендәге мәктәптә укыган.
Җәүдәт Шәүкәт улы кордашларын үз авылында үзе оештырган яшьләр өчен “Сәләт” үзәге белән таныштырырга уйлый.
Ә Буага кадәр иҗади өчлек Балтач районыннан килгән. Бу инде Равил Фәйзуллин җире. Анда әдипләр тарихы урыннарда, мәктәп музеенда һәм шагыйрьнең туган йортында булганнар.
Рөстәм Әхмәдуллин, Илнур Кадыйров, Татарстан яңалыклары