Бүген Казанда “Агроволга” халыкара күргәзмәсе ачыла. Төп тема булып үсемлекчелек, терлекчелек, ашлык эшкәртү өлкәсендә инновацион эшләнмәләр була. Анда 15 меңнән артык белгеч катнашыр, дип көтелә.
“Агроволга” күргәзмәсендә сыер саву өчен яңа җайланмалар һәм азык-төлек, мөгезле эре төрлекләрне дәвалар өчен төрле дарулар тәкъдим ителә. Әле бу Ватан һәм чит ил эшләнмәләренең бер өлеше генә. Бүген күргәзмәдә 15 меңгә якын катнашучы, 400дән артык компания катнашачак. Шулай ук Белорус, Кытай, Төркия, Иран илләреннән дә катнашучылар үз продукция тәкдим итәчәк.
Эшлекле программа кысаларында урып – җыю компаниясе буенча түгәрәк өстәл булуы көтелә — Татарстанда ул 20 июльдә башлана. Чәчү эшенә нәтиҗә Хөкүмәт Йортында узган утырышта ясалды. Быел 3 млн гектарга якын орлык чәчелгән.
“Агроволга” күргәзмәсе кысаларында шулай ук уңышка зыян китерүче бөҗәкләр һәм аларга каршы көрәшне төрле дарулар алып бару турында махсус сөйләшү булуы көтелә. Беренче тапкыр мөгезле эре төрлекләр буенча иң яхшы ортопедны иглан итәчәкләр. Программада трактор ярышлары һәм токымнар хайваннар арасында ярышлар көтелә.
Диана Дасаева, Ирек Хәмидуллин, Татарстан Хәбәрләре
