Лаеш районы бакчачылар җәмгыятендә илледән артык ширкәт теркәлгән. Алар арасында Нур дип аталганы халыкка хезмәт күрсәтү юнәлешендә аеруча актив. Шушы көннәрдә узган бакчачылар бәйрәменнән Мөршидә Җиһан репортажы.
Бизәкле бәйрәмне җирле халык кына түгел тирә -як районнарда яшәүчеләр дә көтеп ала. Гайнановлар гаиләсе Балтач килгән. Улыбыз шушында яши, ди гаилә башлыгы.
Яратып ашаган ботка гади генә түгел ул солдат боткасы. Бәйрәм кунаклары өчен махсус сый.
Бакчачылылар уздырган бәйрәмнең рәсми өлешендә Нур ширкәте эшендә актив катнашучыларга рәхмәт хатлары тапшырылды. Даими үткәрелеп килгән халыкчан бәйрәмне оештыручылар иң әүвәл болай киң колачлы рәвештә дәвам итеп китәчәген уйламаган да идек дип искә ала.
Әнә шул халык рәхмәте 86 яшьлек Равил Миңнуллинны ел-саен шушы бәйрәмне оештырырга көч бирә.
Нур бакчачылык ширкәтенең бәйрәменең үзенчәлеге шунда, монда һәркем бик теләп уен-ярышларда катнаша.
Шатлыклы мизхгелләр өләшүчеләрнең берсе Хәмзә Идиатуллин.
Әнә шулай 5 мәртәбә атып түгәрәкләрне ачарга кирәк. Төз атучыларга бүләкләзр дә бирелә. Бүләк өчен түгел, ә үземне сынап кара өчен атып карадым.
Башлангыч хәрби әзерлек дәресендә өйрәнгәннәр онытылмаган икән. Ә хәзер балаларны Татарстанның ДОСААФ үзәге «Спорт-техник клубы» патриотик рухта тәрбияли.
Тагын бер күркәм гадәт биредә хәрәкәтле уеннарда тыш , акыл уеннары ярышлары да уздырыла.
Әйе , гасырлар кичеп килгән гореф, гадәтләр, җыр-моңнар югалмый. Бигрәк тә Камил Хәлиуллин кебек гармунчылар барында.
Бу моңнар өлкәннәрне яшҗлеккә алып кайтса, балаларның күңеленә сеңеп кала. Шулай ук ярышларда катнашып үскән балалар максатчан, ә кайберләре көрәштә дә сынатмый.
Мөршидә Җиһан, Александр Решеткин, Татарстан яңалыклары өчен махсус Лаеш районыннан
