Республикада «Безнең ишегалды» программасы уңышлы гына дәвам итә. Быел әлеге программа кысаларында 454 күпфатирлы ишегалдын ремонтлау көтелә. Районнарда да бу эш аерым игътибар үзәгендә тора.
Әйтик, Яшел Үзән районында күпфатирлы йортларны капиталь ремонтлау бара. Бүгенгә биредә нинди эшләр башкарылган? Бу турыда Яшел Үзән районы хәбәрчесе Айгөл Гатауллина язмасында.
Королев урамының 6 нчы йортында капиталь ремонт штат режимында бара. «Безнең ишегалды» программасы кысаларында 2023 елда биредә территорияне төзекләндерү буенча барлык эшләр башкарылган инде: тротуарлар, урамны яктырту, балалар мәйданчыгы. Илдус Гайфуллин бу йортта төзелгәннән бирле — 40 ел яши һәм мондый үзгәрешләргә ул бик шат.
2019 елда ишегалларын төзекләндерү буенча масштаблы программаны Татарстан Республикасы Рәисе Рөстәм Миңнеханов башлап җибәрде. 2024 елда Яшел Үзән районында 58 йорт төзекләндереләчәк: шәһәрдә — 40, авыл җирлекләрендә — 18.
Хаҗиев урамындагы 6 нчы йортта, Мичурин һәм Карл Маркс урамнарында да хәзер капиталь ремонт бара: бу түбә, фасадлар, подъездлар, лифтлар алмаштыру һәм нигезләрне ныгыту.
Капиталь ремонт эшләре исемлегенә, шулай ук җылылыкны, кайнар һәм салкын су, электр һәм газ белән тәэмин итүне һәм канализацияне исәпкә алуның гомумйорт приборларын урнаштыру керә.
Бүген барлык объектларда да эш тулы куәтенә бара, ишегалларында һава шартларын исәпкә алып, җәйге чор ахырына кадәр тәмамлау планлаштырыла, МКДНЫ капиталь ремонтлау буенча эшләрне агымдагы ел ахырына кадәр тәмамлау планда. Быел 431,6 млн сумлык 42 йорт һәм 399,8 млн сумлык 58 йорт ремонтланачак.
Людмила Денисова, Александр Фёдоров, Татарстан яңалыклары.
