Ә яшь яшелүзәнлеләр Салават күпере һәм кораб рәсемнәре ясый. Горький исемендәге заводта ел саен үткәрелә торган «Кораблик» балалар рәсем бәйгесендә катнашучыларны бүләкләделәр. «Калюжный» бронекатеры янындагы мәйданда бәйрәм концерты узды, ә яшь рәссамнар үз иҗат җимешләрен күрсәтә.
Сабина Халикова өчен быелгы бәйгедә катнашу беренче тапкыр гына түгел, кыз рәсем ясарга ярата, бу аның хоббие. Ул шулай ук сеңлесен дә рәсем ясатып бирегә алып килгән.
Бәйгенең башлануы турында апрель башында цехларда игълан итәләр, һәм бу вакыт дәвамында балалар үзләренең бәйрәм композицияләрен ясыйлар, ә өлкәннәр аларны һәрьяклап дәртләндерәләр.
Камилнең әтисе заводта слесарь булып эшли, ә улы су стихиясе белән бәйле булган бар нәрсәне дә бик ярата. Балалар галереясе җитди кунакларны шаккатырып кына калмый, сөендерә дә — чөнки чын талант гаиләдән башлана.Балаларга күңелсезләнергә вакыт юк иде: Алпар студиясе актерлары алар белән әйлән-бәйлән алып баралар, уеннар уйныйлар.
Быел завод галереясендә 525 эшләнмә һәм рәсем тәкъдим ителгән. Бу көнне һәр бала лауреат дипломы, истәлекле һәм татлы бүләк алды. Балалар да, ата-аналар да канәгать калды!
Айгөл Гатауллина, Юлия Озерова, Александр Костин, Татарстан яңалыклары, Яшел Үзән районы.
