Апанай мәчете каршында ике ел элек онлайн мәдрәсә ачылган иде. Заманча белем алуның бер төре булган әлеге уку алымын өстен күрүчеләр артканнан-арта бара. Укулары онлайн булса да, корьән уку курсларын тәмамлаучыларга сертификатлар офлайн тапшырылды. Бәйрәм тантанасыннан Мөршидә Җиһан репортажы.
Дөньяви уку йортларыннан тыш мәдрәсәдә белем алучылар да тантаналы рәвештә чыгарылыш кичәләре оештырыла.
Коръәннең иң беренче иңгән аяте «Сине барлыкка китергән Раббың исеме белән укы!» – дип, белем алырга чакыра. Бу хәдистән күренгәнчә, динебез белем белән башлана.
Ислам динендә белем алу ир-атка да хатын-кызга да бер үк дәрәҗәдә фарыз. Әлеге тантанада Апанай мәдрәсәсе хатын-кызлар чыгарылышына сертификатлар тапшырды.
Онлайн курсларда Татарстантан гына түгел , ә Россиянең төрле төбәкләреннән язылып укыйлар.
Бөтендөнья татар конгрессының аксакаллар Шурасы рәисе Рәүф Хәсәнов фикеренчә, Казанга килеп укырга мөмкинлеге булмаучылар өчен бик уңайлы курслар.
Оештыручылар билгеләп үтүенчә төркемнәр татар, рус, үзбәк һәм таҗик телләрендә туплана. Монысы татар төркеме.
7 дән 70 яшь аралыгында дип оештырылган онлайн курсларны гаиләләре белән тәмамлаучылар да бар.
2021 елда ачылган татар онлайн-мәдрәсәсе – беренче баскыч булса, Апанай мәдрәсәсе каршында оештырлган онлайн курслар Коръән өйрәнүчеләр тагын бер заманча уникаль гыйлем мәйданчыгы.
Мөршидә Җиһан. Фәрит Җәләли. Татарстан яңалыклары
