Арча районы Мәдәният йортында Рамил Курамшин исемендәге республикакүләм гармунчылар һәм баянчылар бәйгесе булып узды
Әлеге бәйге башта Арча педагогика көллиятендә үтте, Соңгылары,катнашучылар саны арта, географиясе дә киңәя барган саен, район мәдәният йортында оештырыла башлады. Рамил Курамшин Арча төбәге кешесе дә түгел, ни өчен ул бәйге Арчада оештырыла? Аның үз тарихы бар.
Район җитәкчелеге хуплап ала һәм, Арча районында Рамил Курамшин исемендәге баянчылар һәм гармунчылар республика бәйгесе барлыкка килә. Быелгысы 9 нчы тапкыр.
Авылларда гармун тавышы ишетелми, моң бетә диючеләр бар. Әлеге бәйгене караганнан соң, бу фикер белән килешеп булмый. Күпмегармунчы җыелган тамаша-бәйгегә. Көне буе баян, гармун тавышы, татар моңы яңгырады.Жюри әгъзаларына кайсындыр аерып алу да җиңел булмагандыр.
Баштагы чорда көллият күләмендә генә башланган конкурс хәзер инде республика күләменә чыгып, яшь баянчыларга әйтеп бетергесез зур этәргеч бирә. Күңелләрендә моң йөрткән яшьләрнең гомерләренә истә кала торган зур вакыйга.
Бәйгедәвамлы булсын, гармун, баянның моңлы тавышы бервакытта датынмасын, диясе генә кала.
Фәннур Хәсәнов, Александр Решеткин Татарстан яңалыклары
