Галиәсгар Камал исемендәге дәүләт академия театрында бөек шагыйрьне тамашачыга якынайткан заманча премьера булды.
Казанга Тукай кайткан! Галиәсгар Камал исемендәге дәүләт академия театрында искиткеч премьера булып узды. Режиссер Айдар Җәббаров һәм пьеса авторы Резеда Гобәева бөек шагыйребез Габдулла Тукайның тормышын ничек сурәтләгән? Төп рольдәге Эмиль Талиповка Тукай образына керүе авыр булганмы? Бу һәм башка сорауларга җавапны алдагы язмадан белерсез.
Бөеклек нәрсәдә чагыла? Солидный киенгән, таза, чибәр кеше генә бөек дигән сүз түгел. Чын Тукай — ябык, фәкыйрь, кара күзлек кигән, малай-шалай белән карусельдә күңел ача. Аны “Йолдыз” редакциясендә дә шәкерт белән бутыйлар. Габдулла Тукай роленә керүе Эмиль Талиповка җиңел булмаган.
Газизә ролендә – искиткеч Илсөя Төхвәтуллина.
Габдулла Тукай тормышы турында заманча сәхнә әсәре ел буе әзерләнгән.
Ихлас хисләр, тетрәндергеч мизгелләр. Барысы да чын истәлекләргә нигезләнеп куелган.
Артистларга режиссер Айдар Җаббаров белән эшләү бик рәхәт булган.
Спектакльдә тагын халкыбызның бөек шәхесләре Галиәсгар Камал, Фатих Әмирхан, Гариф Латыйпов һәм Сәгыйть Сүнчәләй образлары игътибарны җәлеп итә. Алар турында да аерым сәхнә әсәрләре куелыр, дип көтәбез хәзер.
Миләүшә Мусина, Ильдар Галәветдинов, Татарстан яңалыклары.
