Республика Хөкүмәте узган атнада парламентарийлар алдында узган елгы эш турында хисап тотты. Саннар зур — тулай төбәк продукты күләме 4 триллион 320 миллиард сум тәшкил итте.
Болар барысы да — илкүләм проектларны, республика һәм тармак программаларын гамәлгә ашыру нәтиҗәсе. Мондый уңышлар беренче чиратта эшкәртү тармакларындагы — машина төзелешендәге күрсәткечләр белән бәйле. Үсешкә кертелгән акчаларның 70 проценты — предприятиеләрнең үз акчалары. Ел нәтиҗәләре буенча — торак тапшыру буенча да рекордлы күрсәткечләр.
Кулланучылар активлыгының үсеше дә зур. Әйләнеш бер триллион 400 миллиард сум тәшкил иткән. Агросәнәгатьтә әйләнеш — 289 миллиард сум. Бу яшьләр үзәкләренә, мәдәният йортларына, театрларга һәм спорт комплексларына кагыла.
Киләсе елга бурычлар куелды. Предприятиеләрнең эш нәтиҗәлелеген арттыру мөһим, бу турыдан-туры халыкның кереме үсешенә тәэсир итә.
Халыкара хезмәттәшлек турында чит ил эшләре министры Сергей Лавров катнашында очрашуда сүз барды. Видеоэлемтә аша анда Фәрит Мөхәммәтшин катнашты. Республикада эш сәфәре белән Думаның хезмәт, социаль сәясәт һәм ветераннар эшләре комитеты рәисе Ярослав Нилов булды. Парламент рәисе һәм депутатлар татар язучысы, шагыйрь һәм публицист Разил Вәлиев истәлегенә оештырылган кичәдә булды.
