Рамазан аеның бүген соңгы көне Ай буе республикакүләмендә иман йортларында ифтарлар уздырылды. Төркия Республикасының Казандагы Генераль консуллыгы тарафыннан Ярдәм мәчетендә үткәрелгән ифтар мәҗлесеннән хәбәрчебез Мөршидә Җиһан репортажы.
“Ярдәм” бер үк вакытта мәчет тә , күрү сәләтен югалткан кешеләрне укыту-тернәкләндерүче үзәк тә. Биредә рамазан ае дәвамында ел саен меңләгән кешегә исәпләнгән ифтар ашлары уздырыла. Әнә шундый тыгыз графикта эшләгән ярдәм мәчетенең ифтар залы бүген Төркия Республикасының Казандагы Генераль консуллыгы карамагында.
Ифтар Угур Йылмас өчен үз мәмләкәтендә гадәти күренеш. Әмма Казанда да шулай ук булачагын ул һич тә уйламаган идем дип белдерде. Элеккеге консуллар да Ярдәм мәчете белән даими элемтәдә булды.
Мәчет имам-мөгалимнәре Төркия консулы Огур Йылмазны тернәкләндерү үзәге эшчәнлеге белән дә таныштырды. Шунысын да искәртеп үтик, Төркия белән Татарстан арасында дуслык күперен ныгытуга әле керешеп кенә килгән консул үз вәкаләтләренә кагылышлы җитәкчеләр белән очрашырга, рәсми һәм мәдәни чараларда да катнашырга өлгерде.
Мөршидә Җиһан, Дамир Мөхәммәтханов. Татарстан яңалыклары
