Район башлыгы Разиф Кәримов махсус комиссия белән бергәлектә комплекслы тикшерү уздырды. Авыл хуҗалыгы һәм азык-төлек министрлыгы вәкилләре, авыл хуҗалыгы белгечләреннән торган комиссия 8 машина- трактор базасында булды. Бу хакта тулырак киләсе видеоязмада.
Район агрофирмаларында булып, махсус комиссия әзерлек сызыгына куелган техникаларны, тагылма агрегатларны тикшерә. Бик тиздән әлеге тракторлар, чәчкечләр язгы чәчү эшләренә чыгачак. Складларга җитәрлек ашлама кайтырылган, җир куенына салыначак чәчүлек орлыклары да әзер. “Зәй шикәре” ндә быел соя культурасын да утыртып карарга планлаштыралар. Быел язның бераз гына соңарып килүе кыр эшләренә ныклы әзерлекле булуны таләп итә.Көннәр җылынып, басулар өлгерү белән, чәчү эшләрен кыска срокларда башкарып чыгарга кирәк булачак, ди белгечләр. Очрашу барышында кыр эшләрен уңышлы башкаруда матди кызыксындыру чаралары, хезмәт хаклары турында аңлатылды.
