Татарстан Рәисе Рөстәм Миңнеханов бүген ВТБ банкы идарәсе президенты — рәисе Андрей Костин белән төрле юнәлешләр буенча хезмәттәшлек перспективалары турында фикер алышты. Бу хакта республика җитәкчесенең матбугат хезмәте хәбәр итә.
Татарстан Рәисе карары белән Андрей Костин төбәкнең «социаль-икътисади потенциялын ныгытуга саллы өлеш керткәнгә» «Татарстан Республикасы алдындагы казанышлары өчен» орденына лаек булды.
«ВТБ банк Татарстанда» офисы белән идарә итүче — вице-президент Мәрьям Дәүләтшина «банк системасы үсешендә һәм камилләштерүдә өлеш керткән, күпьеллык нәтиҗәле эше өчен» «Татарстан Республикасы каршындагы казанышлары өчен» орден медале белән бүләкләнгән.
«Без уртак эшебез өчен рәхмәтле, без киләчәккә планнар турында фикер алышу өчен очрашабыз. Бүген республиканың 9 шәһәрендә 34 офис эшли. Һәм, әлбәттә, юридик затларның кредит портфеле – 241 млрд сум», — дип билгеләп үттеләр Татарстан Рәисе белән фикер алышу вакытында.
«Без гамәлгә ашырган «Алабуга» махсус икътисади зонасы һәм башка проектлар – бу, әлбәттә, шәхсән сезнең зур хезмәтегез», — диде Миңнеханов Костинга мөрәҗәгать итеп.
«Бу әлбәттә сез биредә булдырган шартлар, республикадагы үсеш ярдәмендә гамәлгә ашырыла. Бу очраклы түгел, биредә безгә эшләргә җайлы», — дип җавап бирде Татарстан Рәисенә ВТБ җитәкчесе.
