Яшел Үзән шәһәренең тарихи мәчетендә укытучылар өчен махсус ифтар үткәрелү күркәм гадәткә әверелеп килә. Узганыннан аермалы буларак быел ветеран укытучылар белән бергә яшь укытучылар һәм тәрбиячләр дә катнашты. Остазлар ифтарыннан Мөршидә Җиһан репортажы.
Бу мәчеттә азан тавышы да үзенә күрә аерым аһәң белән матур яңгырый. Яшел Үзәндә беренче төзелгән мәчет булганга күрәсең халык аеруча үз итә. Ифтар мәҗелесенә килгән укытучыларның күбесе дини гыйлем алуны биредә башлаган.
Нәкъ шундый дөньяви дини белем һәм тәрбия бирүче укытучлар чакырылган . Әйшә мәктәбе укытучысы Гөлназ Мусина физматны тәмамласа да озак еллар буена татар теле укыта, мәктәптә милли тәрбия эшләрен җитәкли, әле дә яраткан эшендә , р башлангыч сыйныфларны укыта.
Балалар белән эшләргә ошамаса 40 ел эшли алмас та иде Гөлназ Мусина. Бүгенге ифтар мәҗлесенә оештыруны башлап йөргән Әлфия Мирхәйдәровага чиксез рәхмәтле. Оештыручы үзе дә гомер буе мәгаориф өлкәсендә эшләгән тәҗрибәле укытучы.
Ифтар мәҗлесендә укытучылар белән бергә башкала һәм җирле мәгариф идарәсе вәкилләре катнашты. Чыгыш ясаучылар Яшел Үзән районында гына Татарстанның атказанган укытучысы исеме биш татар теле мөгаллименә бирелүен искәртте. Мактаулы исем алу бертуктаусыз эзләнүләр, балаларга ана телен сеңдерүгә кулыннан килгәннең барын да эшләү нәтиҗәсе. Фидакарьләрчә эшләгән укытучыларга 2000 нче елларда Яшел Үзән районы башлыгы булып эшләгән Равил Зиннәтуллин баш иеп рәхмәт әйтте. Укытучылар өчен укучыларының рәхмәтле булуф иң зур бүләк.
Мөршидә Җиһан, Александр Решеткин. Татарстан яңалыклары
