Дәүләт Советының 52 нче утырышында парламентарийлар гамәлдәге кайбер республика законнарына үзгәрешләр кертте. Думадагы хезмәттәшләре республика икътисадына акча җәлеп итү турында сөйләде, Татарстан академиклары халык сайланучыларына узган елгы фәнни казанышлар турында хисап тоты.
12 институт, 7 үзәк, дистәләгән заманча үсеш юнәлешләре. Депутатларда Татарстан Фәннәр академиясенең узган елдагы хисабы аеруча зур кызыксыну уятты. Асылда бу проектларны тәкъдир итү. Импортны алыштыру, биоинженерия өчен яңа технологияләр, мәсәлән, татар язуын цифрлаштыруга аерым игътибар бирү. Татар энциклопедиясе институтында да фәнни юнәлешләр һәм яңа идеяләр күп.
Экспозициядә академик-секратарьларның гуманитар, медицина һәм биология фәннәре эшчәнлеге турында стенд докладлары тәкъдим ителде. Академия президенты фикеренчә, тәҗрибәле академиклар белән беррәттән, яшь галимнәрне җәлеп итү дә бик мөһим.
Фәннәр академиясеннән тыш, халык тарафыннан сайланучылар алдында Иҗтимагый палата башлыгы, балалар омбудсмены, эшмәкәрләрнең хокукларын яклау буенча вәкаләтле вәкил һәм Дума депутатлары чыгыш ясады. Һәркем хисап бирде һәм нәрсәгә басым ясарга кирәк аңлатты.
Россия парламентының Түбән Палатасында безнең депутатларның эшчәнлеге турында Татарстан төркеме координаторы Айрат Фәррахов сөйләде.
Моннан тыш, Айрат Фәррахов сайлаучыларның наказлары турында искәртеп, аларны тармак һәм елларга бүлеп күрсәтте.
Эшкуарлар хокукларын яклау буенча вәкаләтле вәкил эшкуарларның мөрәҗәгатьләренә басым ясады. Татарстанда танылган марктплейслар белән кирәкле продукция җитештерү буенча мегакластер булдыру планлаштырыла. Үсеш Партиясеннән депутат Руслан Нигъмәтуллинның бу проектны киңәйтергә тәкъдимнәре бар. Әгәр дә безнең Татарстан эшмәкәрләре чит ил товарларының каөсылары яхшы сатылачагын белеп торсалар, үзләре үк мондый җитештерүне эшләтеп җибәрә ала. Әмма моның өчен республиканың ярдәм программасы кирәк.
Моннан тыш, депутатлар гамәлдәге республика законнарына үзгәрешләр кертте. Алар автомобиль юлларына, мәгарифкә һәм адреслы социаль яклауга кагыла.
Парламентарийлар гуманитар йөкнең чираттагы партиясен шефлыкка алынган Лисичанск һәм Рубежное шәһәрләренә җибәрде.
