Татарстан дәүләт телерадиокомпаниясе Татарстан Республикасы Рәисе каршындагы телләр комиссиясе ярдәме белән берсеннән-берсе үзенчәлекле проектлар башлап җибәрде. Алар арасында “Фидакарьләр” радиоциклы иң игелекле һөнәр иясе — укытучыларга багышланган. Безнең иҗат төркеме әлеге радиотапшыруны әзерләү мизгелләрен төшереп алды. Фидакарьләр студиясеннән Мөршидә Җиһан репортажы.
Соңгы вакытта “фидакарь” сүзе сирәк кулланыла башлады. Күрәсең, тормышыбызда үз-үзен аямаучы, үз эшенә чын күңелдән бирелгәннәр сирәгәя. Әмма Татарстан радиосы журналисты Раил Садри бу фикер белән килешми. Ни өчен?
Фидакарьләр тапшыруының кунаклары Галимҗан Ибраһимов исемендәге 17 нче татар гимназиясе укучылары.
Рамилә Абдуллинаның бик күп тапкырлар ачык дәрес үткәргәне бар , бу рәвешлесе беренче ди фидакарь укытучы.
Фидакарьләр проекты Бөтенроссия «Туган тел» форумы вакытында.
Татарстан Рәисе Рөстәм Миңнехановка тәкъдим ителеп, югары бәя алды. Татар теле укытучылары һәрвакыт үсештә, яңалык эзләүдә. Бүгенге вәзгыятьтә педагогның максаты — балаларда гына түгел , аларның ата-аналарында туган телгә карата кызыксыну уяту. Радио аша яңгыраган әлеге ачык дәресләр әлеге максатка ирешүнең бер юлы
дип белдерде Фидакарьләр тапышыруына башлап хәер фатыйха биргән Тәүфыйк Сәгыйтов.
Гомерләре татар теле һәм әдәбиятын, башка фәннәрне татар телендә укытуга багышлаган фидакарь укытучылар һәм бакча тәрбиячеләре катнашында ел дәвамында 24 тапшыру әзерләнә. Аны Татарстан радиосы аша сишәмбе һәм җомга көннәрендә дүртенче егерме минутта тыңларга мөмкин.
Мөршидә Җиһан, Ренат Сәхипгәрәев. Татарстан яңалыклары.
