“Безнең мирас” журналы баш мөхәррире Ләбиб Лерон ел саен матбугат ифтары уздыра. Ул гадәттә вафат булган журналистлар рухына багышлана. Быел нинди үзгәрешләр кертелгән? Дини мәҗлестән Мөршидә Җиһан репортажы
Шушы доганы укып мөселман халкы авыз ача. Жуналистлар ифтарының быелгысы да «Тукайдан башлап хәзергә кадәр иҗат иткән мәшһүр шәхесләрне искә алуга багышланды.
Азан әйтүчеләр бармак белән генә санарлык заманнар артта калды, акрынлап уразаны 3 көн генә түгел ае буе тотабыз. Дини вәзгыятьнең уңай якка үзгәрүендә үз артыннан ияртә белгән, яшәү рәвешләре белән үрнәк булган хәзрәтләрнең өлеше зур.
Ифтар өстәле түренә “Безнең Мирас” журналы белән һәрдаим элемтәдә торган авторлар да чакырылган. Мәгълүм булганча, аларның күбесе язучылар.
Яшерен-батырын түгел Татарстанда журналистика дилбегәсе ир-атлар кулында булса да, арбаны тартып баручылар хатын-кызлар. Шуңа да ифтарда аларның ирләргә караганда күбрәк булуы да табигый. Мәҗлескә чакырылган кунаклар арасыннан Рамазан ае фазыйләтләрен искәрткән вәгазьләр сөйләүчеләр дә, аерым чыгышлар да булды.
Татарстнның төп медиа үзәге булган бинада ифтар мәҗлесе узу үзе генә дә рухи тәрбия асылын аңлауда зур казаныш. Кыйбла тарафын белгән журналистлар саны да елдан ел арта.
Мөршидә Җиһан, Дамир Мөхәммәтханов.
