Татарстанда социаль ипотека буенча төзелә торган торакны сафка бастыру планы бу елга — 27 процентка үтәлгән инде. Ел башыннан Республика Рәисе каршындагы Дәүләт торак фонды 13 йортны файдалануга тапшырган. Быел Дәүләт торак фонды Татарстан шәһәрләрендә һәм районнарында 3299 фатирлы 56 йорт төзергә планлаштыра.
Икәртеп үтәбез, узган елда Дәүләт торак фонды бөтен республика буенча 64 йорт төзеп, 2966 Татарстан гаиләсен уңайлы торак белән тәэмин иткән иде. «Торак һәм шәһәр мохите» мили проектының төп бурычларының берсе- халыкны арзанлы һәм уңайлы торак белән тәэмин итү. Әлеге проект Россия Президенты Владимир Путин башлангычы һәм кушуы буенча гамәлгә куела.
