Республикабызда көн дә таравих намазлары, мәчетләрдә ифтар ашлары уза. Район авылларда да игелек, шәфкатьлелек эшләү кылу аенда ифтарлар уздыралар. Әйтик, Буа мәдрәсәсе шәкертләре өчен ризыклар хәйриячеләр ярдәме белән әзерләнә. Теманы Буадагы хәбәрчебез Рөстәм Әхмәдуллин дәвам итә.
Өстәлләрдә җиләк-имеш, әлбәттә хөрмә, яшелчә, беренче һәм икенче ашлар. Буа мәдрәсәсендә беренче көн ифтарда гадәти булмаган тынычлык. Көне буе ураза тоткан шәкертләр тәмле ризыклар белән сыйлана. Беренче курс студенты Сәлим Дашкин шундый тәмле аш-су әзерләгәннәре өчен ашчыларны мактый.
Ифтарда мәдрәсәдә иллеләп кешегә табын әзерлиләр Шулкадәр санда шәкерт бирелә көндезге бүлектә читтән килеп укый, тулай торакта яшиләр. Ашчылар меню төзегәндә азыкның көне буена эенргия бирерлек, балансланган булуына игьтибар итәләр. Рамазан аенда өйдәге кебек камыр азыклары да пешерәләр.
Ә мәдрәсә укучыларына аш-су әзерләү өчен продуктларны сәдака итеп буалылар китерәләр. Рамазан аенда мондый хәйрячелек аерым күмәк төс ала. Мәдрәсә директорының уку-укыту буенча урынбасары Радия Хәсәнова белдерүенчә, авыз ачкан кешене ашату бик саваплы гамәл ул.
Авыз ачканнан соң шәкертләр күмәк рәвештә кичке намазны укыйлар.
Рөстәм Әхмәдуллин, Илнур Кадыйров, Татарстан яңалыклары.
