Юбилей уңаеннан кичәгә Бәйсез Дәүләтләр берлеге илләреннән киностудия җитәкчеләре, режиссерлар, продюсерлар, республиканың киноиндустрия тармагы ветераннары, “Татаркино” оешмасы хезмәткәрләре, артистлар җыелды.
Габдулла Тукай исемендәге татар дәүләт филармониясе бинасында Татаркино берләшмәсенә 100 ел тулу уңаеннан тантаналы чара булып узды. Бәйрәмне тәбрикләү сүзләре белән Татарстан мәдәният министры Ирада Әюпова ачып җибәрде.
1924 елның 13 февралендә «Таткино»- татар кинематография бүлеге оеша. Шушы көннән татар киносының елъязмасы языла башлый.
Юбилей тантанасында рәсми затлар, чит илләрнең кинематография оешмалары җитәкчеләре, режиссерлар, продюсерлар, Татарстан кино учреждениеләре хезмәткәрләре «Татаркино» партнерлары һәм республика кино тармагы ветераннары катнашты.
Юбилей уңаеннан “Татаркино” оешмасы җитәкчесе Миләүшә Айтугановага, Татаркино оешмасының алдынгы хезмәткәрләренә рәхмәт белдереп истәлекле бүләкләр тапшырылды. Фойеда ТатКино берләшмәсенең тарихына багышланган күргәзмә дә оештырылды.
Фәннур Хәсәнов, Фәрид Җәләли. Татарстан яңалыклары.
