Дәрбишләр бистәсендә урнашкан Сәхибгәрәй Сәетгалиев исемендәге мәдәният сараенда Рәис Сәфиуллин исемендәге 8 енче Ачык татар халык җыр һәм музыка сәнгате фестивале булып узды. Тулырак Фәннур Хәсәнов видеоязмасында.
Гөлләр, Мизгел, Яшь йөрәкләр, Дубая, Җәүһәр, Кичке утлар һәм башка исемнәр астында хор, ансамбль, биючеләр, музыка төркемнәре. Дәрбишләр бистәсендә урнашкан Сәетгалиев исемендәге мәдәният сараенда җыр-музыка яңгырады. Инде 8 енче тапкыр оештырылучы фестиваль Рәис Сәфиуллин исемен йөртә.
Рәис Сәфиуллин Танылган баянчы, һәвәскәр композитор, Галиәкар Камал исемендәге татар дәүләт академия театрында озак еллар дәвамында концертмейстер булып эшләгән. Бер үк вакытта Казанның Дәрвишләр бистәсендәге Сәетгалиев исенмендәге мәдәният сараенда үзешчәннәрнең милли уен кораллары оркестрын һәм вокал ансамблен оештыра һәм җитәкли.
Рәис Шаһимәрдән улы Сәфиуллин 1926 елда Кама Тамагы районы Бәрлегуҗа авылында туа. Татар театр училищесын тәмамлый һәм Галиәсгар Камал исемендәге татар дәүләт академия театрында бераз вакыт артист, аннары баянчы булып эшли.
Фәннур Хәсәнов, Искәндәр Төмәнев, Татарстан яңалыклары.
