Бөтен Россия буйлап туган тел һәм әдәбият буенча федераль олимпиада узды. Быел ул өченче тапкыр уздырылды.
Беренче елны 8 тел буенча булса, быел исә 46 тел буенча уздырылган. Югары уку йортлары Якутиядән алып Дагыстанга кадәр үткәрде. Быел катнашучылар бөтен ил буенча ун меннән артып киткән. Олимпиаданы Федерация Советы җитәкли, бу аларның туган телен белгән балаларга ярдәм итү проекты. Илнең Югары уку йортларына кергәндә телләрен белгән укучыларга өстенлек бирелә. Казан Федераль Университетына татар филологиясе, татар журналистикасы юнәлеше буенча укырга кергәндә, олимпиада нәтиҗәләрен күрсәтергә, әгәр ул җиңүче булса, аңа рус теле буенча бердәм дәүләт имтиханын бирү дә җитә. Педагогик юнәлешкә керсә, җәмгыять белеме буенча бердәм дәүләт имтиханын тапшыруын расларга тиеш.
