Иҗат кешеләре арасында кыска гына гомере эчендә атылган йолдыздай үз артыннан мәңге сүрелмәс якты эз калдырып китүчеләр байтак. Шуларның берсе журналист Рәйхана Шәйхиева. Теләче районы Олы Мәтәскә авылында гомере фаҗигале рәвештә өзелгән Рәйхана Шәйхиева истәлегенә «Йолдыздай атылган гомер» дип исемләнгән шигырьләр җыентыгы тәкъдим ителде.
Әгәр исән булса, төркемебез белән җыелып иҗат кичәсенә кайткан булыр идек. 26 ел элек Ураза гаете иртәсендә юл-транспорт фаҗигасына эләгеп арабыздан мәңгелеккә китеп барган Рәйхана Шәйхиева белән бергә укыдык. Үзе белән бергә тумый калган кызы да вафат булганын ишеткәч Рәйхананы танып белүчеләрнең генә түгел чит ят кешеләрнең дә үзәге өзелгән иде. Шуңа да бүген аны искә алучыларның яшь аралаш сөйләве аңлашыла.
Рәйхана Шәйхиева Казан дәүләт университетының журналистика, социология психология факультетын тәмамлаганчы ук «Теләче хәбәрләре» газетасына эшкә урнаша. Укыганда ук каләме үткен иде дип искә ала остазы.
Искә алу кичәсенә хәер-фатыйха биреп башлап җибәргән Илнур хәзрәт шагыйрьләрдән сүзнең хикмәт белән чыкканын тагын бер кат искәртте. Әлбәттә кичә барышында Рәйхананың әле моңа кадәр беркайда да басылып чыкмаган шигырьләрое шактый яңгырады. Аларда аның яшәү фәлсәфәсе , үз язмышы Әнә шундый шигъри җанлы нечкә күңелле Рәйхананы
ничек якын итмисең ди. Төркебез белән ярата идек, бу хакта сәхнәдән дә сөйләдек.
Самими, риясыз, кешеләрнең гел яхшы сыйфатларын гына күргән Рәйхана язмыш сынауларына ничек түзде икән дип хәйраннар каласың. Әнисен ул бөтенләй хәтерләми, әтисе һәм аның өчен җан атып торган туганнанры тәрбиясендә үсә.
Рәйхананың язмышын Олы Мәтәскә халкы яхшы белә. Хәтта үләсе көнне дә авылдашына ярдәм иткәннән соң гына юлга чыккан.Олы җанлы ярдәмчел икәнен бик күпләр искә алды. Укытучылары,хезмәттәшләре. Авылның мөхтәрәм китапханәчесе. Рәйхана белән Айгөлгә китап җиткереп булмый иде дип бйәнә-бәйнә истәлекләр яңартты. Күрәсең Укуга һәвәслеге Рәйханага югары белем алырга ярдәм иткән. Аңа ияреп сеңлесе Лилия дә журналист һөнәрен сайлады.
Искә алу кичәсендә катнашучыларның чыгышлары Рәйхананың үзе кебек ихлас булды. Төп оештыручы Айгөл без бирегә күңелсезләнеп утырырга түгел Рәйхананың рухын шатландырырга , китабын тәкъдим итәргә җыелдык дисә дә урыны белән еладык та, кайбер чыгышлар елмайтты да.
Төркемдәше Наилә Низами Рәйхана белән сөйләшеп утырганын, җырлаганын аудиотасмага да яздырып калган булган. Ул анда бишек җырын җырлый. Эх, исән булса ул җырын җырлап кызын үстерер иде.
Берәр чара үткәрә башласаң катнашучы булырмы , тамашачы килерме дип аптыраган заманда яшибез. Әмма Рәйхананы искә алу кичәсендә мәдәният сара шыгырым тулы булып, халык 4 сәгать буе кымшанмый да утырды.
Рәйханабыз каләм тота башлаганнан бирле көндәлекләр язган. Алар кыз бала күңеленә хас булганча, шулкадәр эчкерсез, җылы. Ара-тирә шигырьләр дә очраштыргалый. Алары әле җыентыкка керми калган . Беренчесен нәшер итәргә ярдәм иткән иганәче Радик Зиннәтовка рәхмәтлебез. . Өстәвенә Рәйхананы иҗат, каләм әһелләре Фатих Хөсни дәвамчысы дип йөртә. Шуңа да беренче җыентык соңгысы булмас. Һәряктан талантлы төркемдәшебез Рәйхана Шәйхиеваны искә алу кичәсе дә хәтердә генә яңармас сәхнәдә дә кабатланыр.
Мөршидә Җиһан, Александр Решеткин. Татарстан яңалыклары.
