Техника керә алмаса, көрәкләр ярдәмгә килә. Соңгы көннәрдә ишелеп яуган кар тормышны “параличлады” сыман. Юлларга, тротуарларга кар көртләре өйде. Капка-ишегалларын күмеп китте. Буа мәдрәсәсендә гыйлем алучы волонтерларның бу көннәрдә кулларыннан көрәк төшмәде. Егетләр шәһәрдәге дистәләрчә ишегалларын һәм җәяүле юлларын кардан арындырдылар.
Шәһәрнең Карл Либкнехт урамы аның үзәгенә, автобус тукталышларына илтә. Буранлы көннәрдә кар каплаган тротуарлардан атлый алмаган җәяүлеләр автомобиль юлларына чыктылар. Бу хәлне күреп торган мәдрәсә шәкертләре шунда кулга көрәк алып тротуарларны чистатырга керештеләр. Мөхәммәт Мухридинов әлеге изге эшкә бик теләп кушылды.
Әлеге урамда яшәүче Фәридә Гыймалдинова исә волонтерларга үзе мөрәҗәгать иткән. Хатынның тормыш иптәше дәваханәдә. Кар-бураннарда йортлары ишегалдын бөек көртләр күмеп киткән. Әлеге “әсирлектән” котылырга шәкертләр ярдәм иткәннәр.
Әлеге игелекле “команданы” оештырган һәм үзе дә шәкертләр белән көрәк тотып урамга чыккан Ильмир хәзрәт Хәсәнов карлы көннәрдәге эшкә йомгак ясады.
Сүз уңаеннан, бу көннәрдә коммуналчылар да кар баскан шәһәрне чистартуга бар көчне куялар.
Җитәкче белдерүенчә, бу көннәрдә шәһәр урамнарын кардан арындыруда унбиш берәмлек техника эшли.
Рөстәм Әхмәдуллин, Илнур Кадыйров, Татарстан яңалыклары.
