Актанышта Махсус хәрби операция зонасындагы егетләргә ярдәм йөзеннән янәдән гуманитар ярдәм җыю башланды. Күпләр әлеге иегелекле эшкә кушылды. Актанышбаш авылы җирелегендә исә егетләргә окоп шәмнәре ясый башладылар. Бу хакта тулырак алдагы язмада.
Әнә шулай шәмнәргә парафин кайнарлыгын гына түгел, күңел җылысын да кушып эшли. Чөгәнәлеләр чираттагы гуманитар ярдәм җыюга алар янәдән кушылган. Бүген алар окоп шәмнәре ясау белән мәшгуль
Чөгәнә авылы клубында кызу урак өсте. Җирлектә эшләүче мәдәният хезмәткәрләре күмәк көчкә берләшкән. Окоп шәмнәре ясауны үзләре белгән ысул белән тиз һәм уңайлы итеп башкаралар.
Шәм ясауның бер кыенлыгы да юк ди клуб мөдире Алсу Арсланова. Чималларны җирлек башлыгы, авыл халкы һәм волонтерлар ярдәме белән юнәлткәннәр. Эшне башкарып чыгу өчен банкалар да , парафин да җитәрлек ди ул.
Әлеге шәмнәр 8 сәгатҗкә кадәр җылылык бирергә сәләтле. Актанышбаш җирлеге узган ел шундый 600 шәм ясап, махсус хәрби операөия зонасына озаткан. Хәзер исә 1000 данәдә шәм ясауны күзаллыйлар.
Мәрхәмәтлелек ниятеннән кылынган гамәлләр уңышлы булачагына шик юк. Ә чөгәнәлеләр моның белән тукталып калырга исәпләми әле. Якын арада мобилизацияләнгәннәр янына Актаныштан гуманитар ярдәм төялгән машина китәчәк, әлеге шәмнәрне дә шушы гуманитар йөк аша җибәрү күзаллана.
Регина Салахова, Ләлә Зәйнуллина, Марат Саррахов, Татарстан яңалыклары, Актаныш районы.
