Яңа ел бәйрәмнәрендә Татарстанга 160 меңнән артык турист килергә планлаштыра. Традиция буенча кунакларның иң күп вакыты кышкы каникулларга туры килә. Туристлар арасында Казанның тарихи өлеше кызыксыну уята.
Аерым алганда, Иске Татар бистәсе, монда «Туризм һәм кунакчыллык индустриясе» илкүләм проектын гамәлгә ашыру кысаларында тарихи үзәктә күбрәк архитектура яктырткычлары булачак, инсталляцияләр һәм кече архитектура формалары урнаштырылачак. Гомумән, кунакларны һәм шәһәр халкын зур бәйрәм программасы көтә. 15 нче гыйнварга кадәр Казан Кремле территориясендә традицион ярминкә эшләячәк, балалар өчен концертлар һәм театральләштерелгән тамашалар, күргәзмәләр һәм мастер-класслар узачак. Шулай ук театрлар, музейларда да күңелле программа көтә.
