Ярышларны гадәттәгечә Авыл хуҗалыгы һәм азык-төлек министрлыгы һәм Яшьләр министрлыгы ярдәмендә Аграр яшьләр берләшмәсе үткәрде.
Конкурсның төп максаты – аыл хуҗалыгы тармагында иң яхшы яшь хезмәткәрләрне ачыклау иде. Моннан тыш, бу авыл хуҗалыгы һөнәрләренең дәрәҗәсен күтәрү һәм күнекмәләр булдыру өчен яхшы мәйданчык. Беренче этапта катнашучылар тест билетларына җавап бирде. Икенче өлештә яшь хезмәткәрләр һәм студентлар үзләренең осталыкларын практикада күрсәттеләр. Алар арасында беренче ветеринария ярдәмен күрсәтү, техниканы һөнәри яктан җыю яки тиз арада саву аппаратын көйләү. Татарстан Республикасы Авыл хуҗалыгы һәм азык-төлек министрлыгы башлыгы Марат Җәббаров иң яхшы яшь агрономнарны, механизаторларны, ветеринарларны, зоотехникларны, бухгалтерларны һәм машина белән сыер саву операторларын бүләкләде. «Авыл хуҗалыгы — ул җир һәм уңыш кына түгел, уд сезнең дә авыл хуҗалыгы үсешенә керткән омтылышыгыз, белемегез — дип ассызыкланды.