Телләр комиссиясе Татар телендәге алтакталарда, мәгълүмати күрсәткечләрдә, юл һәм торак йортларның элмә такталарындагы хаталарны ачыклау өчен конкурс тәкъдим иткән иде. Республикада өченче тапкыр үткәрелгән бәйге җиңүчеләре белән Ләлә Зәйнуллина күрешеп кайтты.
Иң мөһиме республика халкының бу конкурсны уздыруны хуплавы бик куанычлы. Әләге бәйгенең төп юнәлеше хаталарны төзәттерү этабына кадәр җиткерү. Быел барлыгы 9 меңгә якын мөрәҗәгать кабул ителгән.
Татарстанда татар телендәге элмә такталарда хата табу буенча конкурста катнашу өчен Татарстан Дәүләт һәм муниципаль хезмәтләр порталында теркәлергә яки «Халык контроле» мобиль кушымтасыннан файдаланырга кирәк иде. Әлеге кушымта аркылы конкурстан тыш та хаталы язмалар булуы турында мәгълүмат килә.
Быелгы бәйгегә гомумән алганда, 33 муниципаль берәмлек, 83 учреждение һәм предприятие үз эшләрен җибәргән. Барлык материаллар җентекләп каралып быел 5 номинация буенча җиңүчеләр билгеләнгән. Алар бүген үз бүләкләрен алды.
Әлеге бәйге шулай ук Татарстанда җитештерелгән товарларны бизәү, республика территориясендә урнашкан биналарны матурлаганда фасадларында милли бизәкләрне куллануны җәлеп итүгә юнәлтелгән.
Зәйнең Ринат Фәрдиев исемендәге татар гимназиясен төзекләндергәндә эчке яктан да тыштандан нәкъ менә миллилекне булдыруга өстенлек биргәннәр.
Элмә такталар — телебезнең көзгесе. Хата кимеми, артканнан арта –бара. Димәк, бу өлкәдә эш дәвам итә.
Ләлә Зәйнуллина, Александр Решеткин. Татарстан яңалыклары.
