Кәрим Тинчурин театрында 25нче Әдәби марафон финалистларын бүләкләделәр.
Проект 2017 елдан башлап һәр сезон саен оештырыла. Быелгы 25 нче әдәби марафон нәрсәсе белән үзенчәлекле? Ниһаять яраткан язучысы белән күрешкән укучылар нинди тәэсирдә калган? Шул хакта алдагы язмады.
Кәрим Тинчурин театрында 25 нчеәдәби марафон финалистларын бүләкләү чарасы булып узды. Проект Татнетны үстерү фонды һәм Татарстан язучылар берлеге тарафыннан 2017 елдан башлап һәр сезон саен оештырыла. Быелгы 25 нче әдәби марафон нәрсәсе белән үзенчәлекле булды? Ниһаять яраткан язучысы белән күрешкән укучылар нинди тәэсирдә калган? Шул хакта алдагы язмады.
21 көндә гадәт формалаша, диләр. Әдәби марафонда 21 көн дәвамында социаль челтәрләрдә төрле татар әдәби әсәрләреннән өзекләр кертеп барырга кирәк. Марафон дәвамында язылучыларның артуы – гадәти хәл.
Зур бәйрәм – китап туе. Сәхнәдә финалистлар. Ерак юлны якын итеп килгән китап сөючеләр өчен бу икеләтә бәйрәм – бөтен республикадан җыелган фикердәшләр белән аралашу һәм Татарстанның танылган язучыларын күрү.
Әлеге дөньякүләм әдәби үзүсеш проектына нигез салучы — Раил Гатауллин. Әдәбият сөючеләр аңа рәхмәтләрен укый. Быел Тинчурин театрына 90 яшь тулу уңаеннан театр да әдәби марафонның партнеры булды.
Марафончылар яраткан язучы, шагыйрьләрен сәхнәдә күрәсе килә, дип анкета да тутырганнар иде. Менә алар – халык күңелен яулаган әдипләребез — Айгөл Әхмәтгалиева, Зифа Кадыйрова, Ркаил Зәйдулла, Гөлсинә Галимуллина, Гөлүсә Батталова, Рабит Батулла, Шәмсия Җиһангирова. Аларга укучыларыннан эчтәлекле бүләкләр дә тапшырылды.
25 әдәби марафон үткәрелгән, 70 меңнән артык китап укылган. 1нче марафоннан башлап катнашып килүчеләр дә бар биредә.
Кешекитаптан ераклашкан саен, маймылга якынлаша. Рабит Батулла китап уку – һәркемгә кирәк, ди.
Китап укымйча китап язып булмый. Күренекле әдипләребез дә әдәби марафонда һәрдаим катнашып үз укучыларының бәясен тоеп тора.
Киләсе әдәби марафонда сез дә катнашырга онытмагыз!
Миләүшә Гыйльфанова, ЛенарХәбибуллин, Татарстан яңлыклары.
