Татарстан терлекләрне тамгаалау һәм исәпкә алу өлкәсендә тәҗрибә алмашу мәйданчыгына әйләнде. 60 төбәк өчен безнең республика — хайваннарны мәҗбүри тамгалау турындагы яңа законга төбәкләрнең ничек җайлашырга тиешлегенә мисал булып тора. Тулырак алдагы язмада.
Терлекләр турында мәгълүмат җыю, аларның активлыгы һәм сәламәтлекнең гомуми торышы турында авылдагы мал табибы да белә ала. Элек авылларда йөрергә туры килсә, хәзер республиканың һәр районында ветеринария пунктлары бар. Һәркайсы җиһазлар һәм компьютерлар белән тәэмин ителгән. Цифрлы технологияләр ярдәмендә ирешелә торган максат — барлык терлекне исәпкә алу һәм тамгалау.
Терапевтик алымнар, хирургия һәм авыруларны ачыклау — ветеринарлар өчен көндәлек эш. Яңа технологияләр — чирләрне башлангыч этабында ачыкларга ярдәм итә.
Ә бу ветеринария берләшмәсендә тикшерү өчен урыннар: монда санэкспертиза бүлеге һәм район лабораториясе. Биредә капиталь ремонт үткәрелгән.
Цифрлаштыру хайванның тарихын, яшен, кайчан вакцинация ясалган һәм киләсесе кайчан буласын ачыкларга мөмкинлек бирә. Бу беренче ел гына гамәлдә түгел.
Бүген Татарстан белгечләре 60 тан артык төбәктәге хезмәттәшләре белән цифрлы технологияләрне гамәлгә кертү буенча тәҗрибә алмаша.
Максим Коронский, Ирек Хәмидуллин, Татарстан яңалыклары.
