Түбән Камада татар халкының тарихын, туган телен мәдәниятен, гореф-гадәтләрен саклау һәм үстерү буенча Координация советы утырышы узды. Утырышта шулай ук Түбән Кама мэры урынбасары Марина Камелина, Координация советы рәисе Хәмзә Баһманов, Бөтендөнья татар конгрессының җирле бүлекчәсе җитәкчесе Рөстәм Ганиев, Сәлих хәзрәт Ибраһимов һәм координация советы әгъзалары катнашты. Утырыш ачык диалог форматында узды.
«Бүген телне саклау һәм үстерү комплекслы караш таләп итә, — диде Рамил Муллин. — Безнең шәһәрдә мәдәният һәм телне үстерү белән шөгыльләнүче иҗтимагый оешмалар бар.
Җәмәгатьчелек, ата – аналар, иҗади яшьләр, ММЧ белән эшләү, милли бәйрәмнәр оештыру һәм башкалар болар барысы да актуальләштерүне таләп итә. Салих хәзрәт билгеләп үткәнчә, «мәчет — китапханә — театр» эшен алып барырга кирәк, һәм барысы да килеп чыгачак.
Совет өч ай саен җыелачак һәм килеп туган мәсьәләләрне тикшерү һәм конкрет карарлар кертү белән шөгыльләнәчәк. «Мондый очрашуларны безгә квартал саен үткәрергә кирәк. Без нәкъ менә үсеп килүче буынга милли тәрбия бирүгә күбрәк игътибар бирергә тиешбез», – дип билгеләп үтте Рамил Муллин.
«Традицияләр һәрнәрсәдә сакланырга тиеш: архитектура кодында, спортта һәм бер-берсе белән аралашуда. Алар дуслыкка, үзара аңлашуга өйрәтәләр, халкыбызның бердәмлеге никадәр көчле икәнен күрсәтәләр, ә хәзер бу аеруча мөһим».Очрашуда яңгыраган барлык сорауларны, үтенечләрне һәм тәкъдимнәрне Рамил Муллин игътибарга алды, аларның күбесе якын арада хәл ителәчәк.
