Түбән Кама районының Болгар авылы халкы махсус хәрби операциядә катнашучыларга ярдәм итә. Кем ничек булдыра. Җылы киемнәр, көнкүреш кирәк-яракларын җибәрләр. Җыелган акчага дарулар сатып алалар. Тәм-томнар белән дә сыйлыйлар. Уңган хуҗабикәләр бергәләп токмач басып, чәкчәк пешерәләр.
Җырлаганда эш тизрәк, җитезрәк бара. Тырыш авыл ханымнары борчуларын күрсәтергә күнекмәгән. Йөрәкләрендә газизләре өчен ут янса да, елмаерга тырышалар. Алар кул кушырып утырырга гадәтләнмәгән.
Кемнең – улы, кемнең – кияве. Уртак борчу-мәшәкатьләр Болгар авыл халкын берләштергән генә. Ярдәмчел ханымнар күмәк эшкә алынган.
Өй җылысын тойсыннар, терәк-таяныч барлыгын белсеннәр өчен авыл ханымнары хәрбиләрне тәм-тгомнар белән дә сыйларга булалар. Уңган хуҗабикәләр токмач басып, чәк-чәк пешерәләр. Шушы көннәрдә гуманитар ярдәм солдатларга җибәрәчәкләр.
Гөлия Нигъмәтуллина, Максим Липин, Татарстан яңалыклары, Түбән Кама.
