Үзе китте җыры калды мең яшәрлек имән булып. Татарстанның халык артисты, Илһам Шакиров исемендәге Республика премиясе лауреаты Флера Сөләйманова арабыздан китсә дә исеме халык хәтерендә. Шушы көннәрдә җырчы рухына багышлап корьән уку мәҗлесе үтте. Мәрҗани мәчетеннән Мөршидә Җиһан репортажы.
Үзләрен күрмичә тавышыннан йотылып тыңлаган буын җырчысы ул Флюра Сөләйманова. Күрәсең ятимлек аны шундый моңлы бала итеп үстергәндер. Язмышы да җыр кебек моңлы булган аның дип искә алды табын янына җыелган татар зыялылары.
Казахстан республикасында эшләп тә дан казанган җырчы ул Флюра Сөләйманова.
Актүбә һәм Алма — Ата дәүләт филармониясенең татар артистлары бригадасында эшли. Флюра апа исемен мәңгеләштерү йөзеннән анда да эш башланган. Бу хакта Казахстанның Казандагы баш консулы Ерлан Искаков җиткерде. Әлбәттә, ике республика арасына мәдәни күпер салган иң беренче Татарстан радиосы аша яңгыраган Әнимә җырының да Флюра ападан аерылгысыз булуы кат-кат сөйләнде.
Хезмәт юлын киез итек фабрикасыннан башлаган Иске барыш авыл кызы Флюра апаның гаҗәеп гыйбрәтле язмышы турында һәр искә алучы үзенчә сөйләде. Ул 8 март көнне таң урамында туган. 4 ятим өчен әни булган. Ятим балачак аның холкын да кырыслатмаган. Киресенчә, аны белүчеләр сабыр һәм ярдәмчеллеген искәртә.
Кыр казлары очып киткән чакта арабыздан китеп барган Флюра Сөләйманова җырлары халык күңелендә саклаып калган бәхетле җырчы булу өстәвенә бәхетле әни. Ул үзеннән соң догачы балалар үстереп калдырган.
Мөршидә Җиһан. Ирек Хәмидуллин Татартсан яңалыклары
