Башкалабыз Казанда Вознесенск тракты буенча хәрәкәт ачылды — бу республикабыз өчен мөһим проектның беренче этабы.Участокның озынлыгы Гвардия урамыннан Җиңү проспектына кадәр 4 км чамасы тәшкил итә. Участок шәһәрдән өстәмә чыгуны тәэмин итә, транспорт ситуациясен яхшыртыр, элеккеге сәнәгать территорияләрен үстерүгә этәргеч бирер дип көтелә.
Вознесенский юлы– бай тарихка ия булган, Татарстан халкы өчен бик әһәмиятле объектларның берсе дип санала. Күптән көтеп алынган әлеге олы юл ачылыш тантанасында Республика Рәисе Рөстәм Миңнеханов та катнашты.
Казан халкы да бу яңалыкны сөенеп кабул итте, чөнки әлеге юл хәрәкәтне җиңеләйтеп, алга таба биредәге торак төзелешенең гомуми санын арттырыр дип көтелә. Әлеге катлаулы юл төзелешенең бәясе 13 бөтен уннан дүрт миллиард сум тәшкил итте.
Республикасы Рәисе Рөстәм Миңнеханов Россия Президенты Владимир Путинга, , Россия Транспорт министрлыгына һәм Росавтодорга ярдәм иткән өчен рәхмәт сүзләрен җиткерде.
Динә Нәҗметдинова, Татарстан Яңалыклары.
