Республикбаызда төрле юнәлештә бәйгеләр уздырылып тора. Шундыйларны берсе Казан Мэриясы тарафыннан булдырылган «Саумы, Казан!» дип исемләнгән рәсем сәнгате бәйгесе. Биредә 18 яшьтән өлкәнрәк профессионал һәм һәвәскәр рәссамнар көч сынашты. Бу көннәрдә бәйгенең җиңүчеләре билгеле булды.
Казан Кирмәне, Бауман урамы, мәчетләр һәм шәһәребезнең чит күзләрдән яшеренгән урыннары. Әлеге уникаль күргәзмәдәге картиналарда һәр рәссам Казанны үзенчә сурәтләгән. Тиздән әлеге рәсемнәр котлау открыткалары да бастырылачак.
Биредә конкурска килгән 200 картинадан 50 се күргәзмәгә куелган. Яшь һәвәскәрләр белән профессионал рәссамнарның эшләрен берничек тә аерып булмый. Жюри әгъзалары – профессионал рәссамнар, әсәрләрне шулай дип бәяләде.
Җиңүче 12 рәссамга акчалата бүләк бирелде. Беренче урынга — 120 мең сум, икенче урынга — 100, өченче урынга — 80 мең сум. Татарстанда рәсем сәнгате буенча шундый зур призлы беренче конкурс бу.
Кыргызстаннан килгән рәссам дә Казаныбыздан илһамланып, картиналар ясаган, аның әсәрләре махсус призга лаек булды.
«Саумы, Казан!» күргәзмәсе 29 октябрьгә кадәр эшләячәк. Бирегә һәр теләгән кеше бушлай кереп, Казанны башка яктан күрә ала.
Миләүшә Гыйльфанова, Искәндәр Төмәнов, Татарстан яңалыклары.
