Россиянең быел кабул ителгән тышкы сәясәте концепциясе, безнең ил үзенчәлекле дәүләт-цивилизация буларак тасвирланган. Бу турыда Россия Президенты Владимир Путин “Валдай” Халыкара бәхәс клубы сессиясендәге чыгышында белдерде.
Мондый формулировкада безнең үз үсешебезне генә түгел, ә җиңүгә өметләнгән дөньякүләм җайланманың төп принципларын аңлавыбыз тулы чагылыш тапкан. Россия гасырлар дәвамында төрле мәдәниятләр, диннәр иле буларак формалашкан. Россия цивилизациясен бер гомуми байракчы янына алып барып булмый, ләкин аны аерырга ярамый, чөнки ул үзенең бөтенлегендә, рухи һәм мәдәни байлыгында гына яши, дип ассызыклады ил Президенты.
Россия Президентының “Валдай” Халыкара бәхәс клубы сессиясендәге чыгышы илдә генә түгел, ә бөтен дөнья җәмәгатьчелегендә зур кызыксыну уятты.Төрле өлкәдәге вәзгятькә караган сорауларга җавап биргәндә ул Россиядәге икътисадка тукталып болай диде: ”Хәзер безнең илдә эшсезлек күрсәткече моңарчы күрелмәгән дәрәҗәдә түбән (барлыгы 3%). Икътисадтагы төп үсешне эшкәртү өлкәсе бирә- 43%, ә нефть –газдан алынган керем кими төшсә дә, барыбер үсеш күрсәтә-3%. Алдан билгеләнгән үсеш планнары hәм халык алдындагы социаль бурычлар тулысынча үтәлә”.
