Сарман районы башлыгы махсус операциядәге хәрбиләрнең гаиләләренә азык-төлек тапшырды
Татарстанның Сарман районы башлыгы Фәрит Хөснуллин махсус хәрби операциядә катнашучыларның гаиләләрендә булды һәм азык-төлек җыелмалары тапшырды.
Муниципаль берәмлек җитәкчесе хәрбиләрнең гаиләләренә ярдәм итүнең мөһимлеген һәм кирәклеген билгеләп үтте. Алгы сызыктагы хәрби хезмәткәрләр Туган ил бурычларын хәл итә, алар тыныч хезмәт итсен өчен тылда барысы да яхшы булырга тиеш.
«Сораулар булса, теләсә кайсы вакытта мөрәҗәгать итәргә була», — диде Фәрит Хөснуллин аларның туганнары белән сөйләшкәндә.
Азык-төлек җыелмаларына тушёнка, куертылган сөт, тавык рулеты, кекс, конфет, чәй, кофе, макарон, сок, коймак оны, дөге, карабодай, үсемлек мае, как, хөрмә җимеше, киптерелгән җиләк-җимеш, джем һәм сыр кергән.
Хәрбиләрнең гаилә әгъзалары волонтерларга һәм утын белән ярдәм итүләре өчен рәхмәт белдерде. Бер гаиләнең хәрбие госпитальдә, ә аның улын әбисе тәрбияли. Ул ярдәм күрсәткән өчен рәхмәт сүзләрен җиткерде.
Махсус хәрби операция узган елның 24 февраленнән Россия Президенты Владимир Путин карары белән үткәрелә. Россия Хөкүмәтендә күп тапкырлар белдерүләренчә, махсус операция тиешле максатка ирешкәнче — Донбассны азат итүгә һәм Россия иминлеген гарантияли торган шартлар булдыруга кадәр дәвам итәчәк.
Россия Кораллы көчләре сафларында контракт буенча хезмәт итү, премияләр, ташламалар һәм түләүләр турында heroes-tatarstan.ru сайтында һәм 117 телефоны буенча белергә була.
