«Казан Экспо» Халыкара күргәзмә үзәгендә Россия белән Үзбәкстан арасында регионара хезмәттәшлекнең өченче Форумы үз эшен дәвам итә. Форум эшчәнлеге турныда алдагы язмада.
Башкалабыз Казанда Россия һәм Үзбәкстан арасында III регионара хезмәттәшлек форумы старт алды. Әлеге Чара 700 дән артык бизнес вәкилен, Россиянең 19 төбәге һәм Үзбәкстанның 12 төбәге вәкилләрен берләштерде. Форум эшендә Россия Хөкүмәте Рәисе урынбасары, Россиянең сәнәгать һәм сәүдә министры Денис Мантуров, Үзбәкстан вице-премьеры Җәмшид Ходжаев, Татарстан Рәисе Рөстәм Миңнеханов катнашты. Форум Россия һәм Үзбәкстан төбәкләре, эшлекле даирәләр һәм оешмалар арасында практик хезмәттәшлекне киңәйтү өчен үткәрелә. Ул икътисад өлкәсендә иң масштаблы ике яклы иҗтимагый чараларның берсе булып тора
Эшлекле программада пленар утырыш, тематик панель сессия узды.Транспорт-логистика, сәнәгать, туристлык һәм яшьләр өлкәләрендә ике яклы хезмәттәшлекне киңәйтү турында да фикер алыштылар.
Татарстан Рәисе билгеләп үткәнчә, узган ел йомгаклары буенча Татарстан белән Үзбәкстан арасында товар әйләнеше , 50 процентка үсеп, 290 миллион доллардан артып киткән. Рөстәм Миңнеханов фикеренчә, товарларны үзара алмашукүләмен һәм төрләрен алга таба арттыру буенча эшләргә кирәк.
Үзбәкстан- Татарстанның төп компанияләре һәм оешмалары белән хезмәттәшлек итеп килә. Узган елда республиканың “Химград” белән Үзбәкстандагы партнерларының уртак проекты – “Чирчик” химик-индустриаль технопаркы ачылган. Җизак шәһәрендә Казан федерал университеты филиалы эшләп килә.
