28 сентябреннән 1 октябренә кадәр Казанда Севастополь яшь тамашачы театрының «Зур гастрольләре» узды. Берьюлы ике сәхнәдә: Кариев театры һәм рус яшь тамашачылар театры сәхнәсендә 11 спектакль күрсәтелде.
«Севастополь Яшь тамашачы театры беренче тапкыр Татарстан Республикасы башкаласына гастрольгә килде. Әлеге сәфәр зур гастрольләр федераль пректы буенча тормышка ашырылган. Кунак ашы, кара – каршы дигәндәй, Кариев театры Севастопольдә бер ел элек булган, хәзер алар бездә. Шуның өстенә ике театрның уртак вакыйгалары да күп икән
Репертуар Габдулла Кариев исемендәге Казан татар дәүләт яшь тамашачы театры белән берлектә сайланган. Афишада халык күңеленә үтеп керерлек тамашалар.
Алар алып килгән спектакльнең берсе Александр Ткаченконың «Циолковский» исемле китабы буенча фәнни-спектакль. Анда XX гасырның иң күренекле галимнәренең берсе Константин Эдуардович Циолковский тормышы турында сөйләнелә. Тамаша аның эш урыныннан ачык дәрес рәвешендә бара. Бу хикәядә уен аша балалар тикшеренүләргә тартыла.
Сентябрь аенда гына да бу инде Севастополь яшь тамашачы театрының 3нче гастрольләре.
Алия Галиуллина, Альберт Сафиуллин, Татарстан яңалыклары.
