Халыкара элемтәләрне үстерү һәм ныгыту максатыннан, бу көннәрдә Казан дәүләт мәдәният институтына, Үзбәкстанның Дәүләт сәнгать һәм мәдәният институты ректоры –Элдор Шерманов килде. Ике институт арасында хезмәттәшлек турында шартнамә төзелде. Шулай ук, очрашу кысаларында тагын бер мөһим вакыйга, мактаулы профессор исемнәре бирелү булды.Тулырак алдагы язмада.
Очрашуның төп максаты Казан дәүләт мәдәният институты һәм Үзбәкста нсәнгать һәм мәдәният институты арасында хезмәттәшлек турынд ашартнамә төзү иде.
Үзбәк халкының мәдәнияте безнеке белән охшаш, мин аларның югары уку йортларында булганда, узебезнең институтта кебек хис иттем. Шунсында әйтеп китергә кирәк, безнең телләребез дә бик охшаш. Әлеге шартнамә бер-беребезнең мәдәниятен, гореф-гадәтләрен тагын да тирәнрәк өйрәнергә юл куя.
Үзбәкстан делегациясенә Казан дәүләт мәдәният институты тарафыннан төрле милләтләр чагылдырган мәдәни программа тәкдим ителде. Биредә укучы студентлар үзләренең осталыклары белән килгән кунакларны таң калдырды.
Әлеге очрашуның тагын бер төп вакыйгасы –профессор исемен тапшыру. Роза Әхмәдиева Үзбәкстан Дәүләт сәнгать һәм мәдәният институтының Мактаулы профессоры исемен алды , шулай ук Элдор Шермановка да Казан дәүләт мәдәният институтының Мактаулы профессор исемен тапшырдылар.
Үзбәкстанның Дәүләт сәнгать һәм мәдәният институты белән хезмәттәшлек итү турындагы шартнамәгә кул кую безнең халыкара элемтәләрне үстерүгә һәм ныгытуга юл куя. Шулай ук чара кысаларында рәхмәт хатлары һәм бүләкләр тапшырылды.
