Быел да Саба районында «Кабак” бәйрәме үткәрделәр. «Саба дулкыннары» телерадиокомпаниясе коллективы оештырган «Кабак» бәйрәме быел үзенең матур юбилеен – 20еллыгын билгеләп үтте. Түгәрәк дата уңаеннан бәйрәм тагын да зурдан кубып, тулыланып, программага үзенчәлекләр өстәлеп үткәрелде.Тулырак безнең хәбәрчебез Фәннур Хәсәнов һәм Искәндәр Төмәнев видео язмасында.
Менә инде 20 ел Саба дулкыннары телерадиокомпаниясе хезмәткәрләре әлеге чараны елдан-ел камилләштереп, халык көтеп ала торган бәйрәм югарылыгына күтәрделәр.
Һәрбер авыл җирлеге, мәктәп, мәдәният йорты, балалар бакчасы коллективлары бәйрәм чарасына бердәм һәм зур көч куеп әзерләнеп килгәннәр.
Тамаша кылырга килгән кешенең дә күплеге бәйгенең популярлыгы турында сөйли, бишектәге бәбиләрдән алып өлкән яшьтәге әби-бабайларга кадәр килгән.
Кабактан пешерелгән иң зур бәлеш, мантый, «Кабак һәм мин» дигән фотоконкурс, иң оста рәсем ясаучыга бәйге, Учреждениеләр арасында кабактан ясалган иң матур композицияне билгеләделәр. Авыл җирлекләре арасында конкурс, Кабак турында иң матур җыр, Иң матур шигырьне, Агитбригадалар арасындагы чыгышлар барысы да комисия таравыннан зурлап бәяләнде.
Кабак бәйрәмендә әлеге яшелчәнең нинди генә төре, төсе, сорты юк иде. Кабактан ясалган эшләнмәләрдән күзләр камашты. Иң зур кабак үстерүчеләрне дә кыйммәтле бүләкләр белән билгеләп киттеләр. Быелгы 2023 елның Иң зур кабагы 92 кг да 400 грамм булды. Аны Байлар Сабасында яшәүче Һадиевлар гаилсе үстергән.
Фәннур Хәсәнов, Искәндәр Төмәнев Татарстан яңалыклары.
