Мәчетләрдә халкыбызның чал тарихы, шатлыгы, хәсрәте, рухи мәдәниятебезнең бай сәхифәләре чагылыш тапкан, алардан иман, нур бөркелә. Буа районының Исәк авылы яңа мәчетле булганга 25 ел вакыт узып киткән. Чирек гасырлык бәйрәм тантанасыннан Мөршидә Җиһан репортажы.
Буа районының Исәк авылындагы иман йорты да үзенә әллә кайдан тартып тора.Әнә шулай 25 ел элек Исәк мәчетендә беренче азан укылган иде. Зарур икәне бәхәссез, әмма аны чынга ашыру өчен бердәмлек һәм башлап йөрүче кирәк. Ни гаҗәп Исәк авылында мәчет узган гасырның җитмешенче елларына кадәр җимерелми калган. Әмма мәчетнең яңа тарихы соңрак башлана.
Чирек гасыр элек сафка баска мәчет-авылның әхлак һәм тәрбия сагында торучы иман йорты. Апалы- энеле Шуназаровлар да түземсезләнеп бәйрәм башланганны көтә.
Безнең кыйблабыз ул мәчет. Бик еракта яшәсәм дә мәчетнең ай куелышына да, ачылышына кайтырга тырыштым. Бүген дә минем өчен бик истәлекле көн ди себердән махсус кайткан Тәлгать Каюмов.
Ә тырышкан таба, ташка кадак кага. Шушы авылда туып үскән “Ярдәм” милли ислам хәйрия фонды президенты Илһам Исмәгыйлев тә нәкъ шундыйлардан.
Исәклеләрнең шатлыгын бүлешергә күрше авыллардан да килүчеләр шактый. Кем әйтсмешли , күрше хакы тәңре хакы. Ислам дине фазыйләтләрен белгән һәм аны башкаларга җиткерүчеләргә юбилей уңаеннан истәлекле бүләкләр рәхмәт хатлары тапшырылды.
Бер башлаган игелекле эшне Ирек Закиров, Буа якташлык җәмгыяте әгъзалары белән бергә 25 ел буе дәвам итә. Бәйрәмгә әзерләнгән арада быел мәчетнең баскычлары да төзекләнедерелде. Ел дәвамында дини чаралар да һәрдим үткәрелеп килә. Район мөхтәсибе дә мәчет эшен югары бәяләде .
Исәклеләрне мәчет юбилее белән Буа районы хакимияте исеменнән котлаган Илдар Еремеев әлеге мәчетне ике республика Татарстан һәм Чувашстан мөселманнарын берләштерү үзәге дип тә атады. 25 ел эчендә нинди генә дини чаралар узмаган. Тагын да уздырырга язсын дип мәчет исеменә бүләкләрен тапшырды.
Ачылганнан бирле биредә 5 имам-хатыйб алышынган. Харис хәзрәт Сабиров эшли башлаганга 4 ел. Мәчет шушылай эшләп торуы авыл халкы өчен зур бәхет. Ә юбилей уңаеннан мәчет турында шигырь язып килгән Роза ханым өчен икеләтә бәхет.
Исәк мәчетендә өйлә намазы укылганнан соң, авыл халкы, кунаклар бәйрәм чәе белән дә сыйланды. Ә чәй өстәле ул киләчәккә планнар кору урыны да. Мәчетнең әле тагын бик күп юбилейларын уздырырга язсын Исәк халкына.
Мөршидә Җиһан, Ренат Сәхибгәрәев. Татарстан яңалыклары.
