Шушы көннәрдә урман хуҗалыгы хезмәткәрләре һөнәри бәйрәмнәрен билгеләп үтте. Әлеге истәлекле датаны Актаныш урманчылары да күтәренке рухта каршылады. Иҗат төркемебез алар янында булып, урманчыларның бәйрәм шатлыгын уртаклашты.
20 елдан артык әлеге питомникка эшкә ашыга Әнисә апа. Урманчыларга ярдәм итү теләге белән бирегә ул еш килә. Бүген дә утырткан агач үсентеләре араларын эшкәртә.
Ярдәм күрсәтергә теләп киләбез ди Элина апа Муллыева да. Менә дистә еллар инде ул да әлеге эшләрдә катнаша. Урманчыларга ярдәм итүдән үзебезнең күңелләргә рәхәтлек алабыз ди.
Богадыда урнашкан урман питомнигы 3 гектар мәйданны били. Кайсы урыннарда бер ике еллык усентеләр, кайсыларында исә әле яздан гына утырткан агачлар баш калкыта.
Актаныш районы буенча урманнар 20 мең гектар мәйданны тәшкил итә. Алар ел әйләнәсе Миңзәлә урманчылыгынң Актаныш районында хезмәт итүче биш хезмәткәрнең даими күз уңында.
Урман питомнигында эшләр ел әйләнәсе тынып тормый.
15 нче сентябрьдән 15 нче октябрьгә кадәр агач утырту сезоны узачак. Аның барышында 2 га мәйданда агач утырту планлаштырыла.
