Россия Президенты Владимир Путин һәм Корея Халык Демократик Республикасының Югары җитәкчесе Ким Чен Ын сөйләшүләр вакытында бүләкләр сыйфатында карабиннар белән алмаштылар. Россия лидеры шулай ук үзенең Төньяк Корея хезмәттәшенә космик скафандр перчаткасы бүләк итте. Бу хакта Россия дәүләте башлыгының матбугат сәркатибе Дмитрий Песков сөйләде. РИА Новости шул хакта хәбәр итә.
«Бүләкләр алмашу булды. Без моны беркайчан да аерып күрсәтмәүне өстен күрәбез. Әмма, чыннан да, Президент Путин Корея лидерына космоста берничә тапкыр булган космик скафандрның перчаткасын бүләк итте, безнең илдә җитештерелгән, югары сыйфатлы карабин бүләк итте», — диде Кремль вәкиле.
13 сентябрьдә Путин һәм Ким Чен Ын «Көнчыгыш» космодромында сөйләшүләр уздырды.
