Республикада урып-җыю эшенең барышы турында Хөкүмәт Йортында узган киңәшмәдә Татарстан Республикасы Премьер-министры урынбасары — Татарстан Республикасы Авыл хуҗалыгы һәм азык-төлек министрлыгы башлыгы Марат Җаббаров сөйләде. Киңәшмәне Татарстан Республикасы Рәисе Рөстәм Миңнеханов үткәрде.
Республикада урып-җыю эшләре азагына якынлаша. Бер миллион дурт йөз мең гектардан артык мәйдандагы иген җыеп алынган. Бүген рапс, горчица суктырыла, 8 район бәрәңге җыю белән мәшгуль. Көнбагыш 189 мең гектар мәйданны били. Бөртеклеләрне җыеп бетерергә санаулы көннәр калды. Бер гектардан уртача 26 центнер уңыш чыга. Күптән түгел Тукай һәм Кукмара районнары урып –җыю эшен тәмамлады. Алдынгылар сафында баручыларны басуда ук билгеләп үттеләр, алар арасында «Хезмәт кешесен данлыйбыз» яшь комбайнчыларның 15 нче конкурсының финалистлары да бар. Әлеге бәйге Авыл хуҗалыгы һәм азык-төлек министрлыгы, Казан дәүләт аграр университеты һәм безнең телерадиокомпания ярдәмендә үткәрелә
Быел явым-төшемнәр аз булганга күрә, күпчелек хуҗалыкларда яхшы уңышка өмет итмәгәннәр иде, ләкин урып-җыю нәтиҗәләре яхшы күрсәткечләр белән сөендерде.
Әлеге хуҗалык Тукай районында беренчеләрдән булып чәчүгә керешә һәм урып-җыю эшен дә беренчеләрдән булып тәмамлый.
Нәтиҗәләргә килгәндә -Тукай районында- 92 мең тонна ашлык җыеп алынган.
Бу көннәрдә шактый районнар кукуруз җыю белән мәшгуль, ә инде белгечләр җыелган ашлыкның сыйфатын бәяли.
Нәсим Вәлиев басуда 30 елдан артык хезмәт куя, уныш нәтиҗәсе белән артык канәгать булмаса да, техниканы мактап туя алмый.
Биредә ике мең ярым мөгезле эре терлек бар, шуларның 750 се – савым сыерлары. Бер сыердан уртача- 28 килограмм сөт савып алалар. Шунсын да әйтеп узарга кирәк, биредә терлекләрне цифрлы система аша тукландыралар. Барысы да яхшы дип әйтергә иртәрәк, төп проблемаларның берсе – сөткә бәя үсми.
«Урал» хуҗалыгы механизаторлары урып-җыю эшен тәмамлап ята. Район инде республикага 110 мең тонна ашлык бирде, уртача уңыш гектардан 35 центнер тәшкил итә.
Урып-җыю эшендә тәҗрибәле механизаторлар янәшәсендә hәрвакыт яшьләр. Алар сүзгә оста түгел. Ленар Ганиев,әнә, яшъ белгечләргә техниканы яхшы белгәндә бернинди дә авырлык юклыгын төшендерә.
Биредә яшь механизаторга «Хезмәт кешесен данлыйбыз» республика конкурсының символик вымпелын тапшырдылар. Әлеге бәйге “Бердәм Россия” федераль проекты кысаларында уздырыла.
Римма Ратникова, Кукмара районыннан сайланган депутат буларак, урып-җыю эше белән басуга килеп таныша,аларны борчыган проблемаларны да яхшы белә. Шуларның иң мөhиме- яшьләрне авылда төпләндереп калдыру. Җирле механизаторлар арасында «Хезмәт кешесен данлыйбыз» яшь комбайнчыларның 15 нче республика конкурсының финалистлары да бар. Инде тиздән бөтен республикадан иң яхшы 30 экипаж ике көнгә районнарның берсенә чакырылачак һәм биредә алдынгылар сафында булучы районның исеме билгеле була.
