Хәерле иртә, эфирда “ Мәдәни тормыш” сәхифәсе сезнең белән мин Динә Нәҗметдинова. Көзнең беренче аена – Сентябрьгада аяк бастык. Күптән түгел белем көне дә булып узды һәм шул уңайдан музейларда шактый яңа күргәзмәләр ачылды. Бу атнада Казан и төбәк теартларында нинди спектакльләр уйнала, нинди күргәзмәләр ачыла? Әйдәгез бергәләп барлыйк.
Милли музей “ УкуДа” күргәзмәсенә чакыра. Каурый каләм, дәфтәрләр, көндәлекләр, мәктәп портфельләре — болар барысы да совет чорын чагылдыра. Күргәзмәнең төп бизәге — Совет укучысының формасы булып тора. Килгән кунаклар мәктәп парталары артына да утырып карый ала. Күргәзмәне 29 нчы сентябрьгә кадәр дәвам итә.
5 нче сентябрь көнне Галиәсгар Камал исемендәге Татар дәүләт академия театрында үткәрелгән 19 нче Казан халыкара мөселман киносы фестивале ачылу тантанасына чакырып калабыз. Аяз Гыйләҗев исемендәге Чаллы татар дәүләт драма театрында “Диләфрүзгә дүрт кияү ” спектакле. Авылның дүрт егете дә гүзәл Диләфрүзнең йөрәген яуларга җыена, ә менә кыз үзе аларның кайсын сайлар?..Комедия Туфан Миңнуллинга хас нечкә юмор белән сугарылган, күңелле, дәртле җырлар белән үрелеп бара, мәхәббәт сере турында сөйли.
6 нчы сентябрь көнне Галиәсгар Камал исемендәге Татар дәүләт академия театрында “ Хуш, авылым” документаль спектакле уйнала. Тамаша кеше тормышы, авылда һәм тарихта булган вакыйгалар белән сугарылган. Спектакль авыл клубында башланып китә, анда кичләрен гөрләп яшәүче авыл халкы җыйнала. Бирегә алар нинди максат килә? Бу турыда спектакльне карап белерсез.
7 нче сентябрь көнне Габдулла Кариев исемендәге Казан татар дәүләт яшь тамашачы театры балалар өчен “Камыр батыр” әкиятен күрсәтә. Карт белән карчыкның камырдан уллары туа. Бу сәер балага Камыр-батыр дип исем кушалар. Малай башка балалар белән уйный башласа, аларны имгәкли, шул сәбәпле Камырны авылдан чыгарып җибәрәләр… Дәвамын спектакльне карап белерсез.
Язучы, тәрҗемәче Шәриф Камал яшәгән, иҗат иткән музейга чакырабыз. Биредә татар әдәбияты классигының шәхси әсбаплары күрсәтелгән. Язучы Әлеге йортта 1928 елдан 1942 елга кадәр яшәгән. 1950 нче елда йорт- музей исемен йөртә башлый.
