Башкалабызда Казан ярминкәсе үзәгендәге тарихи паркта «Россия — минем тарих. Татарлар Ватанга хезмәттә” дип исемләнгән күргәзмә ачылды. Аны ачу тантанасында Татарстан Дәүләт Советы Рәисе урынбасары Марат Әхмәтов катнашты. Биредә татар тамырлы дворяннарның атаклы вәкилләре, төрле өлкәләрдә зур уңышларга ирешкән шәхесләр турында фото һәм видеоязмалар белән таныштырдылар. Күргәзмәне беренчеләрдән булып Искәндәр Гыймалтдинов та күреп кайтты.
Тарихның “тере лентасы» дистәләгән мультимедиа экраннары, сенсорлы планшетлар, проекторлар һәм интерактив панорамалар аша килүчеләрне узган гасырларга алып кайтты. Экспозиция татарларның атаклы вәкилләре, татар тамырлары белән таныштыра. Аларның дәүләт хезмәтендә, әдәбиятта, философиядә һәм иҗтимагый фикердә зур өлешләрен керткәрлекләре турында сөйли.
Безнең Бөек илебездә төрле милләт вәкилләре бер-берсенә якын яши һәм бүген дәүләт үсешенә, милләтара мөнәсәбәтләргә, мәдәният һәм гореф гадәтләрне саклауга өлеш керткән бөтен дөнья татарлары турында сөйләү куанычлы.
Искәндәр Гыймалтдинов, Искәндәр Төмәнов, Татарстан яңалыклары
