Татарстан башкаласы — Казан ресторан эшенең югары дәрәҗәдә куелуы белән, чын мәгънәсендә, горурлана ала. Моннан нәкъ егерме ел элек бу юнәлешне киләчәктә иң әһәмиятле булуын аңлап Зөфәр Гаязов башлап җибәргән иде. Танылган аш-су осталары бәйрәменнән хәбәрчебез Мөршидә Җиһан репортажы.
Бөтендөнья җәйге универсиада, Дөнья футбол беренчелеге һәм башка шундый күләмле чараларга килгән кунакларга бирегә җыелган ресторан эше осталары хезмәт күрсәтте. Бер өлкәдә эшләүче хезмәттәшләр юбилей уңаеннан эшләнгән махсус фильм аша үткәнгә дә кайтып килде. Үткәнне белсәң киләчәккә атлыйсы җиңелрәк .
Казан — туристларның яраткан шәһәренә әверелүдә тәмле һәм милли ризыклар ашатучы, ресторанчыларның өлеше зур. Татинтер Рестораннар челтәре исемендә үк халыкара эчәнлекне дә күздә тота. Шул исәптән Татар утары рестораны да халыкка хезмәт күрсәтүне халыкара стандартларга тиңләргә омтыла. Моны репетециядән соң төшке ашка килгән Винера Ганиева да җөпләде. Татар утарында супер пәрәмәчләрен пешерү остаханәсен узыдрган иде. Бу теләкләргә кушылып, ресторан эшен әйдәп баручыларга афәрин диясе генә кала.
Мөршидә Җиһан, Ренат Сәхибгәрәев. Татарстан яңалыклары.
