Гомере буе халык мәнфәгатен кайгырып яшәгән Туфан ага Миңнуллин арабызда булмаса да, ул салып калдырган күркәм эшләр, маяк сыман яктырта, киләчәккә әйди. 2008 нче елда күренекле драматург, җәмәгать эшлеклесе Туфан ага хәер-фатихасы белән Мунчәли укулары дип исемләнгән фәнни гамәли конференция башланып киткән иде. Матур бер традициягә әверелгән дини-тәрбияви чарадан Мөршидә Җиһан репортажы.
Елдан-ел оештыручылар шомара. Авыл эчендә авыл корып куйган диярсең. Капка төбе тулы халык.
Мунчәли укулары сыман дини-тәрбияви чаралар аша балалар күңел дәфтәренә рухи кыйммәтләрне сеңдерә Борынгыдан килгән йолалар да яңара.
Әлбәттә, чишмәгә суга килгән кызларны урлау йоласы хәзер юк. Әмма ул үткән тарихыбызның бер чагылышы һәм аның асылы гаилә кору. Кунакларга тәкъдим иткән икенче йола никах укыту, балага исем кушу да шуның дәвамы. Заман шаукымында Милли гореф-гадәтләр югалып калмасын өчен оештырылган әлеге чара республика белән генә чикләнми. Ул хәзер регионара дәрәҗәгә ия. Ә Бергәлек һәм бердәмлек бар нәрсәдән кыйммәтле.
Корьән укып Мунчәли укуларының вәгазьләү өлешен башлап җибәргән Илмир хәзрәт фикеренчә, авылның рухи-мәдәни мирасын саклауда дини кыйммәтләрнең йогынтысы зур.
Чыннан да бәхетен салада түгел калада табарга чыгып китүчеләрне дә туган нигезгә алып кайта әлеге чара.
Мунчәлигә Мачалидән килгән Җиһанша кардәшебез күңеленә оланнар, ягъни балаларның чыгышы аеруча хуш килгән. Балаларга дини белем бирүне район күләмендә Чүпрәле мөхтәсибәте җайга салган.
Мунчали укулары төрле буын вәлкилләрен очраштыру, арлаштыру өчен дә кулай чара.
Оныгының әнә шулай чигү үрнәкләрен өйрәнүе Васыйл Халитовка яшьлеген хәтерләтә. Кукуруз үстерү буенча дан тоткан 400 хуҗалыклы Мунчали колхозын ул 1965 тән 70 нче елга кадәр җитәкли.
Дини –тәрбияви җыен урамы умарта күче кебек гөж килә.
Дания апаны гашыйк иткән гармуннар шушы. Алар барысы да республикада үзешчән сәнгатькәр буларак танылган Шамил Мөбиновныкы. Аның моң почмагы Миңгол Галиевне дә җәлеп иткән.
Халык җырлары, гадәтләре, йолалары безне гомер бакый озата килә. Милли кием үрнәкләре дә дөньякүләм сәхнәгә чыгарырлык байлыгыбыз.
“Мунчәли укулары” дини җыены ел саен Бөтендөнья татар конгрессы теләктәшлегендә уза.
Икенче елга тагын да күләмлерәк, яңа мәйданда оештырырга ниятлибез дип белдерде район башлыгы сәхнә түрендә Мунчәли авылы хезмәтчәннәрен, авылны төзекләндерүдә ярдәм күрсәтүчеләрне котлаганда.
Мунчәли укуларының «Милли гореф-гадәтләрнең киләчәге балалар һәм оныклар кулында» дип аталган беренче өлеше, гадәттәгечә, өйлә намазы белән тәмамланды.
Мөршидә Җиһан, Ленар Хәбибуллин. Татарстан яңалыклары.
