Энергетиклар намуслы хезмәт итәргә генә түгел, төрле ярыш-бәйгеләрдә дә үзләрен сынарга өлгерә. Шундый чараларның берсе Зәй Дәүләт район электростанциясе территориясендә узды. Татарстанның 8 филиалыннан хезмәткәрләр гражданнар оборонасы буенча ярышты.
Берәүләр тизлеккә противогаз кия, икенче мәйданда элемтәне тикшерү буенча ярышлар бара. Татарстанның 8 филиалынан килгән энергетиклар үз осталыкларын тикшерә. Чираттагы җитди ярышларны Зәй җирлегендә үткәрергә булганнар. Бүгенге көндә гражданнар оборонасы буенча өйрәнүләрнең әһәмияте зур ди җитәкчеләр.
Ярышлар 3 мәйданчыкта бара. Командалар химик зарарланудан саклану костюмын кию буенча ярыша. Зыян күрүче хезмәттәшенә беренче медицина ярдәме күрсәтү буенча осталыкларын күрсәтәләр.
Станцияләрнең кайбер цехларында тиз янып китүчән матдәләр белән эшләргә туры килә. Шунлыктан алар янгын куркынычы зур булган предприятиеләр булып санала.
Татарстан энергетиклары арасында уза торган ярышлар ике елга бер тапкыр оештырыла. Соңгысы Казан шәһәрендә үткән иде. Зәйкомандасы ул чакта 3 урынга чыкты. Бу юлы да сынатмаска исәпләре.
Мондый ярышлар исә көтелмәгән очракларга хезмәткәрләрнең ни дәрәҗәдә әзер булуларын ачыклый.
Әдилә Борһанова, Максим Майоров, Александр Тимофеев, Татарстан яңалыклары, Зәй районы.
